Миян Ижма медся дона

Главная | Мой профиль | Регистрация | Выход | Вход
Главная » 2017 » Октябрь » 9 » «Рöдвуж котырлöн югöръяс»
13:31
«Рöдвуж котырлöн югöръяс»

Сизяыб культура керкаын нуöдiсны районнöй конкурс – «Рöдвуж котырлöн югöръяс». Конкурслöн медшöр могыс – оланног и культура видзöм да сöвмöдöм. Мöдöд во конкурссö лöсьöдöны да нуöдöны Сизяыб культура керкаын уджалысьяс, зэв ыджыд аттьö таысь налы! Участвуйтicны нёль рöдвуж котыр. Пудъясьöм серти медводз Гам грездысь Каневъяс – «Öньö рöд» - висьталicны рöдвужсö, петкöдлiсны вöралöм да вöр-ва радейтöм. Ыджыд рöдвуж котырын 5 лесник. Родословнöй книгаö пасъялöны рöдвуж котырныссö 1883 восянь, 186 морт лыддьöмаöсь. Рöдвуж паськалöма Гамсянь Москваöдз, весиг Германияын, Италияын, Белоруссияын и Австралияын рöдвуж олö. Медыджыд арлыдаыс налöн олö Сизяыбын – Чупрова Епраксия Андреевна, кодлы тырöма 93 ар. 
Мöдöдын ыджыд рöдвуж петкöдлiсны Сизяыбысь Семяшкинъяс. Вöчöмаöсь ордпу, 122 рöдвуж лыддьöмаöсь. Ордпу нуöдöны Филипп Николаевич да Варвара Тихоновна Семяшкинъяссянь. Налöн чужöма 8 челядь, 20 внук, 38 правнук и 17 праправнук. Творческöй петкöдчöмын сьöкыд сиктса удж да олансер петкöдлicны «Коми ань» сьыланкывкöд. 
Коймöдöн вöлiны Мохча сиктысь Витязевъяс, кодъяс тöдмöдicны Бакур грездысь петöм Семяшкинъяс рöдвужкöд. Нималана коми композитор Глеб Васильевич Семяшкин тайö рöдысь. Семяшкин рöдыслöн гармошкаыс и радлунын, и шогын! Витязева Зинаида Владимировна сьылiс «Мича ижемка» сьыланкыв, сьыланногыс Г.В. Семяшкинлöн. Петкöдлicны серамбана номер. 
Нёльöдын гöсьтьяс видзöдicны Ижма сиктысь Каневъяс рöдвуж котырöс. Тайö учительяслöн династия. Рöдвужныс босьтчöма Кулим грездсянь. Интереснöй семьяпытшса история казялiм. Прадедныс Мошъюга вичкосö стрöитлöма. 
Жюриын вöлiны: Элида Эдуардовна Сметанина – Изьва библиотекаын уджöм юкöдöн веськöдлысь, Виктория Васильевна Терентьева – Сизяыб сиктса йöзкерка поселениеысь первöй тшупöда специалист, Елена Алексеевна Хозяинова - районнöй центрысь челядьлöн творчество кузя директорöс вежысь. 
Но конкурс – эм конкурс, итогыс татшöм: I места – Сизяыбысь Семяшкинъяс рöдвуж, II места – Гамысь Каневъяс рöдвуж, благодарностьясöн пасйисны Мохча да Ижма сиктысь рöдвуж котыр. 
Нимкодялö, мый конкурсын участвуйтicны и арлыда, и верстьö йöз, и челядь. Таысь петö кывкöртöд, мый Изьва котырлöн оланног оз вош, а водзö сöвмö. Участвуйтысьясöс да организаторъясöс аттьöалам миянлы праздник козьналöмысь! Эскам, мый татшöм конкурсыс лоö быд во.

Сельское поселение "Сизябск"

 

Просмотров: 2531 |
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]