Миян Ижма медся дона

Главная | Мой профиль | Регистрация | Выход | Вход
Главная » 2017 » Май » 27 » Посвящение старинному купеческому дому.
11:01
Посвящение старинному купеческому дому.



Важőн Ыбсянь ылőдз кылiс 
Купеч Ваньö олiс- вылiс 
Кőрыс сылőн вőлi уна 
Ачыс вőлi озыр, вына. 

Аргыш нюжőдчылас кор 
Он и аддзы – пом ни дор. 
Мирскőйсянь да весиг Ыбőдз 
Нюждчőма стадыс – видзőд 

Ас гőгöрыс йőзсő кутiс, 
Эз вőв горша, бура мынтiс 
Вőлi толка, бур купеч 
Олан керка – кыдз двореч. 

Миян Ыбőдз Петербургсянь 
Вайис тőвар юяс кузя. 
Сылőн лавкаас ставыс эм 
Сьőм оз тырмы - гижлас тэн. 

Озыр жöник вöлi Ваньö 
Аддзис гöтырпусö шаньöс 
Кывтыд помысь том Глафира 
Абу ышмысь, абу ныра. 

Пуксис ок и гудыр кад, 
Иван эз вőв талы рад. 
Вежсис олőм гугőн – банőн 
Гőгőр ветлисны наганőн. 

Жаль Иванлы озырлун 
Уджалiс őд вой и лун! 
«Озырлунőс ме ог сет! 
Дзеба сiдз – он аддзы дерт». 

Пемыд войын вőрő, нюрас 
Озырлунсő Иван нуас. 
Сюйис весиг шы пос улас - 
Сэтысь вряд ли кодлы сюрас. 

Сылы шуисны: « Кулак! 
Уна кőр. И эм батрак. 
Мырддям тэнсьыд озырлун! 
Весась! Керкасьыд тэ мун!» 

Властьлы оз ков озыр морт - 
Медым выль олőм оз торк. 
Сиктысь став кулакыс быри 
Кőрт сутуга сайő сюри. 

Керка вöлi жаль да муса, 
Но дзикöдз олöм сэтысь кусi! 
Нывъяс пышйисны Из сайö, 
Пиян петiсны сарайö. 

Тыртőг керка дыр эз ов, 
Выльысь ловзис – выв да ов! 
Челядь танi быдмő – радлő 
Сенька керка лои садйőн. 

Уна во мысти со кылiс, 
Ваньлöн нылыс Ыбőдз волiс. 
Кöсйис казьтыны бать-мамсö, 
Ассьыс гажа челядь кадсö. 

Но выль власьтыд вöлi стрöг: 
«Керкад пырнытö ог лэдз! 
Немтор вöчны танi тэныд 
Мун Из сайад, пока пемыд!» 

Тадзи коли уна во… 
Совхоз кантора вőлi со. 
Сы бőрын патера моз 
Олiс танi уна йőз. 

Чужанiныд сьöлöм йирö, 
Бура вирад сiйö пырö. 
Ваньлöн внучка волiс ылысь 
Но Сенька керкаö эз ло пырысь. 

Юрысь некодлőн эз вун 
Купеч Сеньлőн озырлун. 
Корсисны и сэсь, и татысь 
Озырлуныд эз сюр матысь. 

Бőрő коли уна во… 
Важмис Сенька керка со. 
Пемыд войő шогыд суис. 
Биыс ставсő аскőд нуис. 

Олőмыд пыр водзő мунő… 
Ыб сиктным пыр сöвмö, быдмö. 
Оз нин во пыр паметь вылö 
Сенька керкаыдлöн мыгöр. 

Öтчыд лои дивöтор - 
Трактор кодйис рöвсö кор, 
Кöвшнас шыбитiс тай мусö 
Киссис му вылö кыдз бисер. 

Сюри Ваньлöн дзеблöмтор 
Уна вося корсьöмтор. 
Челядьпосни вöлi рад 
Ыбын сюри Ваньлöн клад! 

Сёрнитiсны сэн и татöн, 
Ылын-ылын и зэв матын. 
Ыбса купеч Ваньлöн нимыс 
Медым дыр на йöзын кылас!

Галина Чупрова

С. Сизябск

Фото Павла Чикова

На фоне "Сенька керки" - Эмилия Александровна, научный сотрудник Печорского краеведческого музея, внучка самого Ивана Семеновича

Просмотров: 508 |
Всего комментариев: 0
Имя *:
Email:
Код *: