Миян Ижма медся дона

Главная | Мой профиль | Регистрация | Выход | Вход
Главная » 2017 » Ноябрь » 8 » Министр Галина Габушевалӧн изьватаслы письмӧ
18:28
Министр Галина Габушевалӧн изьватаслы письмӧ

Картинки по запросу галина Габушева

Талун Галина Ивановна Габушевасянь воис письмӧ. Ме, дерт, зэв рад, мый министр национальной политики тадз пыдди пуктӧ Изьваса йӧзсӧ. И позьӧ шуны, мый абу на, сідзкӧ, ставыс вошӧма коми кыв велӧдӧмын. Отсыштам чина йӧзыслы, коді коми йӧз пондаыс беспокоитчӧ. И митингнаным петкӧдлам, мый коми кывным миян дона. И налы лоӧ кокньыдджык прӧстӧй народыслӧн поддержка кылӧм бӧрын.

Висьтала ыджыд аттьӧ Галина Ивановналы, да йӧзӧда сылысь гижӧмсӧ.

Э.Братенкова

 

Дона коми муын олысь йӧз! Мада изьватас!

Олӧмыс тшӧкыда сувтӧдӧ быдпӧлӧс могъяс: миян сайын коми кывлӧн аскиалуныс.

Ижма районын коми кыв кутас овны! Сьӧлӧм вылӧ воӧ, кыдз тi, татчӧс олысьяс, зiлянныд видзны, сӧвмӧдны да паськӧдны чужан кывнытӧ. И онӧ весьшӧр кывъясӧн, а паськыд уджӧн и радейтӧмӧн. Медводз семьяясын, челядьыдкӧд комиӧн сёрнитiгӧн. А сэсся школаясын. Ижма районын республика серти медуна школа велӧдӧ коми кывсӧ кыдз чужан кыв. Ас кадӧ тi кужинныд видзны тайӧ системасӧ.

Ас примернад тi сетанныд  вын-эбӧс изьватаслы, кодъяс олӧны Урал сайын, Ненеч кытшын да Мурманск обласьтын. Тiян озырлуныс и сыын, мый ичӧтсянь бура тӧданныд и сернисикаснытӧ, и  литературнӧй коми кыв.

Ӧнi ми лӧсьӧдам экспертнӧй сӧвет «Совет по государственным языкам Республики Коми», медым думыштны тыр-бура, мый вермас бурджыка отсавны коми да роч канму кывъяс сӧвмӧдӧмын. Роч кыв сӧвмӧдан визьяс – тайӧ сёрни культура кыпӧдӧм, художествоа гижӧдъяс лыддьӧм паськӧдӧм, чилимдiнса важ роч культура видзӧм. А коми кыв боксянь могыс нӧшта на уна. Медводз колӧ, медым сiйӧ паськыдджыка юргис-олiс и сёрнисикасъясын и гижӧда кывйын.

Ме чайта, мый тайӧ Сӧветас колӧ пырны Эмилия Михайловна Братенковалы, мортлы, кодi став пытшкӧснас висьӧ Коми му да чужан кыв вӧсна.

Миянлы мойвиис, мый чужӧмсянь тӧдам коми да роч кывъяс. И тайӧ миян озырлун да вын!

Пыдди пуктана «Миян Ижма медся дона» сайт лыддьысьысьяс! Сиа ставныдлы бурӧ эскӧм, выль вермӧмъяс да дзоньвидзалун.

Пыдди пуктӧмӧн, Галина Габушева.

Просмотров: 1478 |
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]