Миян Ижма медся дона

Главная | Мой профиль | Регистрация | Выход | Вход
Главная » 2014 » Февраль » 11 » И сэтшöм матысса да мусса
16:31
И сэтшöм матысса да мусса

Неважöн Сыктывкарын Изьва керкаын бара на   вöлі уна йöза. Та пöрйö юркарын олысь изьватас войтыр чукöртчылісны сэні асланыс земляк, нималана коми гижысь Яков Митрофанович Рочевлöн чужан лунсянь 105 во тырöмкöд йитöдын.

Яков Рочевлысь небöгъяссö, на лыдын и «Тундраса бияс», «Изьва гызьö», «Кык друг», öнöдз на окотапырысь лыддьöны Комиын олысьяс, торйöн нин изьватас. Öд небöгас серпасалöм йöзыслöн олöмыс дзик жö сэтшöм, кутшöм вöлöма öнія олысьяслöн бать-мамыслöн да пöль-пöчыслöн, и изьватас нога сёр-ниыс налöн сэтшöм матысса да муса.

Изьва керкаын тайö рыт вылас волысьяс тöдмасисны Яков Рочевлöн гижöдъяслы сиöм выставкаöн, видзöдалісны фотографияяс, кывзісны сылöн романъясысь юкöнъяс. 

Яков Митрофановичкöд да мукöд нималана гижыськöд ёртасьöм йылысь висьталісны Серафим Поповлöн Альбина нылыс, а сідзжö Василий Юхнинлöн Муза да Таида нывъясыс.

Чукöртчöмаясöс гажöдісны «Изьва» да «Отрада» сьылысь-йöктысь котыръяс.

Аддзысьлöмсö сигöртігöн нин «Изьватас землячество» регионса общественнöй öтмунöмлöн сöветöн юрнуöдысь Леонид Вокуев пасйис, мый и водзö кутасны котыртлывны Изьва керкаын гижысьяслы сиöм рытъяссö, коланаöсь найö йöзыслы да. Буретш татшöм чукöртчылöмъясыс отса-лöны налы пыдісяньджык тöдмасьны асланыс чужан муöн, донъявны сійöс тшöтш и кывбур-висьт да мукöд гижöд пыр.

"Коми му"

Категория: МОД "Изьватас" | Просмотров: 1676 |
Всего комментариев: 2
1 мича  
ижемкаяс. и паськомныс мича.

2 ЭмилияМихайловна  
Это "Коми му" пишет)))))

Добавлять комментарии могут только зарегистрированные пользователи.
[ Регистрация | Вход ]