Изьва районса Гам школаын Чужан кывлӧн лун водзын – урасьӧм 19-ӧд лунӧ - гижисны ӧтувъя диктант. Котыртысьнас вӧліны школаса директор Хозяинова Юлия Михайловна да сылы отсасьысь Хозяинова Галина Валерьяновна. Пырӧдчисны школаса уджалысьяс, велӧдысьяс, велӧдчысьяс. Диктант гижны вӧлі корӧма и сиктса войтырӧс, но, буракӧ, эз тырмы руныс локнысӧ. 

Медся повтӧмнас гижысьяс повстын лоис англия кыв том велӧдысь Истомина Анна Сергеевна. Сійӧ уджалӧ ми дораным мӧд во, но мыйсюрӧ гӧгӧрвоӧ нин коми сёрнисьыным (ачыс роч). А ӧні весиг эз повзьы коми кывъя диктант гижны. Гижисны школаса уджалысьяс, физкультура да география, роч кыв велӧдысьяс. Дерт, ассьыныс тодӧмлун кӧсйисны видлыны и начальнӧй классъяс велӧдысьяс.

Мӧд луннас гижисны челядь тайӧ жӧ, но адаптируйтӧм текстсӧ. «5» вылӧ гижисны 1 классысь Рочев Владик, 4 классысь Артеева Алина (Петровна), 6-ысь – Канева Валерия, 7-ӧд классысь Канева Даша и 8 классысь Семяшкина Диана.

Гырысь войтыр костысь вермысьнас лоисны Хозяиннова Любовь Васильевна, роч кыв да литература, коми литература велӧдысь, дзоля классъяс велӧдысь Попова Раиса Фёдоровна да Рочева Марина Михайловна, школаын уджалысь. Зэв унаӧн гижисны «4» вылӧ. Колӧ содтыны, мый «2» волі этша. Чолӧмалам ставнысӧ тайӧ вермӧмъяснас! Водзӧ пестыны муслун чужан кыв дорӧ да сійӧс пыдди пуктӧм.
Диктант лыддьысь, коми кыв велӧдысь Хозяинова Г.В.

МБОУ "Гамская ООШ"